《HR如何說老細的語言》
近呢幾年，好多HR朋友都話想轉型HRBP，因為明白到傳統HR工作發展有限。
以往傳統HR其中一個常常為人詬病嘅地方，就係對商業營運嘅不理解，行政工作做得好，但不會以公司業務為前提考慮。亦都因為呢種唔理解，開會會雞同鴨講，其他部門/老細會覺得：「喂，條友真係唔識架喎。」最終導致被排除於策略會議之外，淪為執行者角色。
一場世紀疫症令所有嘢加速，未來企業一定會變得更精簡，Payroll、Recruitment外判相信會係大趨勢，傳統HR職位難逃減少嘅命運。HR要自保，就需要轉型，深入認識業務，走進更策略性角色。亦都因為咁，HRBP亦變得更值錢。
但成日都話HRBP要理解業務，其實係咩意思？到底要點做？因為冇營商經驗、冇Sales經驗，對想轉型嘅HR嚟講，呢點特別困難。
首先最重要係思維嘅轉變，思維轉變先會帶動行為嘅轉變。傳統HR有好多固有思維，你嘅專業唔再限於僱傭條例、處理payroll，制訂守則。處事需要更有彈性，所有政策考慮都要加入「幫到公司生意」為最終目標。
其實簡單啲講，要識得代入老細視覺去考慮全盤人力資源策略，懂得運用各種數據，用老細嘅語言去同老細溝通，最終幫公司達標。
呢方面當然唔係話咁易，我自己都因為咁睇多咗好多商業書，亦因為呢兩年創辦MP HR Community呢間Startup，面對疫情挑戰，對經營有更深嘅體會，但自問都係學習當中。
今次特登搵嚟有豐富管理培訓經驗、Peter F. Drucker Academy首席講師Dr. Joey Wan，幫我哋拍咗3集免費短片，探討下HR嘅商業思維，講下《HR說老細的語言》。
睇呢片嘅時候，不妨放低固有思維用Mindset Change角度去睇，無論你想轉型或轉型中，可能會對你有唔同嘅啟發。
立即睇片: http://bit.ly/br_business_thinking_1-3
————————————————————
緊貼 #HR小薯蓉 Facebook專頁更新，設定HR小薯蓉為搶先看優先
Search